Offerynnau Statudol sydd ag Adroddiadau
Clir
21 Mawrth 2022
SL(6)170 – Rheoliadau’r Dreth Gyngor (Atebolrwydd
ar y Cyd ac Unigol Personau sy’n Ymadael â Gofal)
(Cymru) 2022
Gweithdrefn: Gwneud Negyddol
Mae’r
Rheoliadau hyn yn diwygio
Deddf Cyllid Llywodraeth Leol 1992 i roi esemptiad i bersonau
cymwys 24 ac iau, sy’n ymadael â gofal, rhag
atebolrwydd ar y cyd ac unigol am dalu’r dreth gyngor mewn
perthynas ag anheddau trethadwy yng Nghymru.
Pan fo’r
rhai sy'n ymadael â gofal yn byw gyda priod neu bartner neu
mewn aelwydydd sydd â mwy nag un oedolyn, gellir dal pob un
o’r oedolion yn atebol ar y cyd ac yn unigol am fil treth
gyngor eu cartref. Felly, gallai person sy’n ymadael
â gofal gael ei ddal yn atebol am dalu’r dreth gyngor
pan fo person arall (nad yw’n esempt) yn methu â thalu
ei dreth gyngor. Mae gan awdurdodau lleol bwerau disgresiwn i
gynnig gostyngiadau ar filiau’r dreth gyngor ac mae rhai wedi
defnyddio’r pwerau hyn i esemptio unigolion sy’n
ymadael â gofal rhag atebolrwydd.
Effaith y
Rheoliadau hyn fydd lleihau’r atebolrwydd am dalu’r
dreth gyngor i ddim ar gyfer personau cymwys sy’n ymadael
â gofal.
Rhiant-Ddeddf: Ddeddf Cyllid Llywodraeth Leol 1992
Fe’u gwnaed ar: 01
Mawrth 2022
Fe’u gosodwyd ar: 04
Mawrth 2022
Yn
dod i rym ar: 01
Ebrill 2022
Offerynnau Statudol sydd ag Adroddiadau
Clir
21 Mawrth 2022
SL(6)171 – Gorchymyn Pysgodfa Cregyn Gleision a Wystrys
Afon Menai (Dwyrain) 2022
Gweithdrefn: Gwneud Negyddol
Mae’r
Gorchymyn yn rhoi i Menai
Strait Fishery Order Management Association (“y
Grantî”) yr hawl i bysgodfa unigol a’r hawl i
reoleiddio pysgodfa am rywogaethau rhagnodedig o bysgod cregyn. Yn
unol â’r hawl i bysgodfa unigol, y Grantî yn unig
sydd â’r hawl i osod, lluosogi, llusgrwydo a chymryd y
pysgod cregyn perthnasol. Y rhywogaethau rhagnodedig yw cregyn
gleision ac wystrys.
Mae’r hawliau yn bodoli dros ardal o tua 694 o hectarau
o flaendraeth a gwely Afon Menai yn Siroedd Gwynedd ac Ynys
Môn fel y’i pennir yn yr Atodlen i’r Gorchymyn
hwn ac fel y’i dangosir ar y map isod.
Rhoddir yr
hawl i bysgodfa unigol a’r hawl i reoleiddio pysgodfa
i’r Grantî am gyfnod o 35 o flynyddoedd yn dechrau ar 2
Ebrill 2022. Nod y trefniant hwn yw gosod dyframaethu ar sail
ddiogel.
Rhiant-Ddeddf: Ddeddf Pysgodfeydd Môr (Pysgod Cregyn) 1967
Fe’u gwnaed ar: 03
Mawrth 2022
Fe’u gosodwyd ar: 04
Mawrth 2022
Yn
dod i rym ar: 02
Ebrill 2022
Offerynnau Statudol sydd ag Adroddiadau
Clir
21 Mawrth 2022
SL(6)179 – Rheoliadau Ymddiriedolaethau’r
Gwasanaeth Iechyd Gwladol (Aelodaeth a Gweithdrefn) (Diwygio)
(Cymru) 2022
Gweithdrefn: Gwneud Negyddol
Mae’r
Rheoliadau hyn yn gwneud
diwygiadau i ddeddfwriaeth sy’n ymwneud ag aelodaeth a
gweithdrefnau ymddiriedolaethau’r GIG.
Maent yn gwneud
darpariaeth ar gyfer rôl yr is-gadeirydd statudol ar fwrdd
cyfarwyddwyr ymddiriedolaeth y GIG yng Nghymru fel swydd
cyfarwyddwr anweithredol ychwanegol, gan gynnwys mewn cysylltiad
â deiliadaeth swydd (gan gynnwys terfynu ac atal dros dro),
penodiad, anghymhwyso ar gyfer penodiad, cymhwystra ar gyfer
ailbenodi, a phwerau a rôl yr is-gadeirydd yn nhrafodion a
phwyllgorau ymddiriedolaethau’r GIG.
Mae’r
Rheoliadau hyn hefyd yn gwneud darpariaeth i ostwng uchafswm nifer
y cyfarwyddwyr anweithredol a ganiateir (heb gynnwys y cadeirydd
a’r is-gadeirydd) ar fwrdd ymddiriedolaeth o 7 i 6 o
ganlyniad i ychwanegu swydd yr is-gadeirydd statudol. Maent hefyd
yn cynyddu'r uchafswm o gyfarwyddwyr gweithredol
ymddiriedolaethau’r GIG a ganiateir o 5 i 6 (gan gynnwys y
Prif Weithredwr).
Rhiant-Ddeddf: Ddeddf y Gwasanaeth Iechyd Gwladol (Cymru) 2006
Fe’u gwnaed ar: 08
Mawrth 2022
Fe’u gosodwyd ar: 11
Mawrth 2022
Yn
dod i rym ar: 01
Ebrill 2022
Offerynnau Statudol sydd ag Adroddiadau
Clir
21 Mawrth 2022
SL(6)174 – Rheoliadau Awdurdodau Lleol (Diwygiadau
sy’n Ymwneud â Chyhoeddi Gwybodaeth) (Cymru)
2022
Gweithdrefn: Cadarnhaol
Mae Rheoliad 12 o
Reoliadau Awdurdodau Lleol (Trefniadau Gweithrediaeth)
(Penderfyniadau, Dogfennau a Chyfarfodydd) (Cymru)
2001
(“Rheoliadau 2001”) yn gosod
dyletswydd ar gynghorau sir a chynghorau bwrdeistref sirol i gadw
cofrestr sy’n nodi enw a chyfeiriad pob aelod o’r
cyngor a phob aelod o bwyllgor o’r weithrediaeth. Mae
Rheoliadau 2001 yn ei gwneud yn ofynnol bod y gofrestr honno yn
agored i’r cyhoedd edrych arni ym mhrif swyddfa’r
awdurdod.
Er mwyn darparu
amgylchedd diogel i’r rhai sy’n barod i gynnig eu
hunain ar gyfer swyddi etholedig, un o’r camau a nodwyd i
gyflawni’r nod hwnnw yw dileu’r gofyniad i gynnwys
cyfeiriadau aelodau fel rhan o’r gofrestr y mae’n rhaid
iddi fod yn agored i’r cyhoedd edrych arni.
Mae'r
rheoliadau hyn yn gwneud y
diwygiadau angenrheidiol i ddarparu na chaiff yr wybodaeth sy'n
agored i'r cyhoedd edrych arni gynnwys cyfeiriad aelod sydd wedi'i
gynnwys yn y cofrestrau.
Rhiant-Ddeddf: Ddeddf Llywodraeth Leol ac Etholiadau (Cymru) 2021 / Ddeddf
Llywodraeth Leol 2000
Fe’u gwnaed ar:
Fe’u gosodwyd ar:
Yn
dod i rym ar: 05
Mai 2022